سوريا يا حبيبتي

سوريا يا حبيبتي

سوريا يا حبيبتي

يسرادارة منتدى سوريا ياحبيبتي ان ترحب بالاخ ( سالم حنفي ) اهلا وسهلا به
يسر إدارة منتدى سوريا ياحبيبتي أن ترحب العضو الجديد ((( رند ))) فمرحبا به
يسر ادارة منتدى سوريا ياحبيبتي ان ترحب بالاخت ( ياسمين الشام 1 ) اهلا وسهلا بها
يسر إدارة منتدى سوريا ياحبيبتي أن ترحب بالعضو الجديد ((د . باسل )) أهلا وسهلا به
يسر إدارة منتدى سوريا ياحبيبتي أن ترحب ب (عاشقة سوريا ) اهلا وسهلا بها
يسر ادارة منتدى سوريا ياحبيبتي ان ترحب ب ( سمري ياحرة ) اهلا وسهلا به

    بديَــهـات سوريَة

    شاطر
    avatar
    سامي البوريني
    عضو جديد
    عضو جديد

    عدد المساهمات : 34
    تاريخ التسجيل : 22/04/2010

    بديَــهـات سوريَة

    مُساهمة من طرف سامي البوريني في الجمعة أبريل 23, 2010 7:00 am

    بــــديـــهـــيـــات ســـــــــــــوريّة





    بتكون قاعد بامان الله عم تتفرج على فلم عم تستنا فيه من اسبوع ليطلع ، بفوت ابوك بقلك شو عم تتفرج على فلم .......؟؟



    لا عم بتفرج على برنامج ارضنا الخضراء .....

    ((وكل هالتسميعة بتكون مشان يقلب عالجزيره او العربيه مشان يسمع اخبار طول النهار قاعد يسمع فيها)) عكلن اذا كبر ابوك خاويه .

    هي خالصين منها ...
    ------------------------------------


    بدك تنزل من الميكرو: بتقول للشوفير عاليمين زكاتك.... بتتلقى الرد: نازل ؟؟

    لا والله بس كنت عم جرب صوتي شو رايك انت ؟؟.
    ------------------------------------


    مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب..

    لا والله بالعادة بفكر العب دء طميمة وماروح لعندهم

    ------------------------------------

    نفس المذيعة بتشوف ولد بالشارع وبتساله؟ حبيبي بتحب البابا والماما؟
    لا مابحبهم ابداً , انا بحب البوسنة والهرسك .

    ليش مذيعاتنا دائما عندون نفس الأسئلة؟؟
    ليش كل الشعب حفظان شو هي الأسئلة؟؟


    يعني المذيعة بتروح على شي حديقة أو شي مطرح متجمعين فيه الأولاد الصغار بالعيد..... وبتبلش بالأسئلة الفذة تبعونها....

    ------------------------------------

    اشتريت لبس جديد على العيد حبيبي؟؟؟
    يعني شوبتتوقع يقولها؟؟


    لأ...ما اشتريت لبس جديد.... هادول سرقة من على حبل الغسيل تبع الجيران ولا بتتوقع يقولها

    أخدت لبس أخي الكبير تبع السنة الماضية ولبستو...؟؟


    طيب بركي فعلا كان في ولد هيك وضعو.... ليش حتى تسألو وتكسرلو نفسيتو قدام بقية الأولاد؟؟؟

    ------------------------------------


    شو بتشتري بالعيد...شوكولاته وأكلات طيبة؟؟


    لا والله....على العيد بشتري 10 غرام حشيش...وبنقعد نصطهج فيون أنا ورفقاتي...... وبعدين بنأرجل...... وبناخدلنا كاسين


    يعني الولد الصغير شو بيحب يشتري وياكل؟؟ مجدرة ولا عدس بحامض؟؟

    ------------------------------------


    شو بتعمل بالعيد احكيلنا حبيبي....بتلعب بالمراجيح؟؟


    لأ أبدا...ما بقرب صوب المراجيح.....بالعيد بروح بلعب مصارعة رومانية...وشوية تايكواندو....

    ------------------------------------



    بتلعب مع أصحابك بالعيد؟؟

    أعوذ بالله... شو مع أصحابي..... أبدا... بنزل بلعب مع شوفيرية التكاسي والزعران...

    ------------------------------------


    مع مين بتحب تروح بالعيد؟؟ مع ماما ولا بابا؟؟


    لا والله ؛مابحب روح معهن التنين أسئل من بعض . يعيني عادة مع مين بيروح الصبي ؟ مو مع أبو وآمو ؟؟

    ------------------------------------


    احكيلنا ...وين بتروحو بالعيد إنت ورفقاتك... حبيبي....؟


    ما بدها سؤال...على الكباريه... لترين عرق.... 4 رقاصات ......2 على اليمين و2 على اليسار....

    طيب مذيعاتنا المهمات... ما عم يلاحظوا كيف الولد عم يتلعثم...وعم يتلبك... وما عم يعرف يحكي... ومالو رايد يحكي....... وما عم يطلع صوتو

    ....وما عم يحكي شي....؟؟؟
    هالمذيعة الحنونة هاي..... ما عم يطلع من خاطرها تترك الولد بحالو؟؟
    لك اتركيه بحالو و بعدين ..؟؟

    ------------------------------------


    حاطت راسك ونازل دحي بهالكتب والدراسة، بيجي أبوك أو امك...: عم تدرس؟


    لا والله ...!! عم غير زيت للسيارة



    ------------------------------------

    حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وشهم علائم الإستغراب والدهشة: بدك تحكي بالتلفون؟

    لأ شو احكي اعوذ بالله !!! كنت عم عد الأرقام يلي فيه !شوبدي اعمل يعني ؟؟

    ------------------------------------


    لابس أحلى لبس عندك ومتعطّر وشايل مفاتيح السيارة وجزدانك و طاير لبرا البيت، بيجي حدا من أهلك بيسألك، شو رايحلك شي مشوار !!؟؟

    لا والله طالع عالأسطوح صلّح الدش

    ------------------------------------


    معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟

    لا والله لساتنا عالطريق، في عجئة كتير بالمهاجرين

    ------------------------------------


    مطمطرء بتختك ونايم ومطفي الضو ومتغطي بالبطانية وتمك مفتوح متل مغارة جعيتا، بيجي واحد من أهلك بيفتح الباب ويقول :شو نايم ؟؟

    لأ !! عم ارقص... بس الوضع بيوحي إني نايم
    avatar
    أ-جولاق
    عضو مميز
    عضو مميز

    عدد المساهمات : 186
    تاريخ التسجيل : 12/04/2010

    رد: بديَــهـات سوريَة

    مُساهمة من طرف أ-جولاق في الجمعة أبريل 23, 2010 8:40 am

    بسم الله الرحمن الرحيم

    ..يعطيك العافية اخونا العزيز ( some one )على الموضوع الراقي

    بس لو مافي شغلة العرق والزعران معقول في مزيعة سورية شريفة

    بتسأل هيك أسالة ؟؟؟؟؟؟؟؟ أظن انك اتعديت على اهم طبقة

    فهمانة وشريفة في وطني الغالي سوربا !!!!!!!!!!!!!!

    جزاك الله خيرا صديقي الجديد


    أحمد
    avatar
    خالد
    المدير العام
    المدير العام

    عدد المساهمات : 206
    تاريخ التسجيل : 03/04/2010
    العمر : 67

    رد: بديَــهـات سوريَة

    مُساهمة من طرف خالد في الجمعة أبريل 23, 2010 8:57 am

    بسم الله الرحمن الرحيم

    )some one )

    مرحبا بك اخا عزيزا في اسرتنا الكبيرة باخلاقها ودينها

    اتمنى من الله ان تكبر بوجودك بيننا وتثري المنتدى بما يرضي

    الله ورسوله والمؤمنين الطاهرين

    اخي الفاضل لو ذهبت بزيارة قصيرة الى قسم الاعضاء الجدد

    كي يتعرف عليك كل الاخوة والاخوات ويرحبوا فيك

    ميت اهلين تقبل مروري


    خالد
    avatar
    سامي البوريني
    عضو جديد
    عضو جديد

    عدد المساهمات : 34
    تاريخ التسجيل : 22/04/2010

    رد: بديَــهـات سوريَة

    مُساهمة من طرف سامي البوريني في الجمعة أبريل 23, 2010 9:48 am

    استاذ احمد بعرف الموضوع فيه مبالغة وانا ما كان قصدي اي إهانة تكفي ابتسامتكم
    خالد نورت الموضوع بردك.. تكرم عينك
    avatar
    نور الهدى
    مشرف
    مشرف

    عدد المساهمات : 87
    تاريخ التسجيل : 04/04/2010
    العمر : 47

    رد: بديَــهـات سوريَة

    مُساهمة من طرف نور الهدى في الجمعة أبريل 23, 2010 9:54 am


    بديهات غير طبيعية
    شكراً لك أخي SOME ONE
    ومرحباً بك معنا في هذا المنتدى
    avatar
    م-حيدر
    نائب المدير
    نائب المدير

    عدد المساهمات : 126
    تاريخ التسجيل : 04/04/2010
    العمر : 67

    رد: بديَــهـات سوريَة

    مُساهمة من طرف م-حيدر في الإثنين مايو 05, 2014 12:33 am

    بسم الله الرحمن الرحيم
    بعض الأسئلة المحيرة؟؟

    1- إذا كنا نتعلم مـن كـافة أخطائنـا..
    فلماذا لم نصبح جميعاً عبـــاقـرة ؟

    2- إذا كان الصنـدوق الأسـود هو الشيء الوحيد الذي يبقـى من الطـائرة إذا تحطمت..
    فلماذا لاتصنع الطـائـرة كلها من نفس مادة الصندوق ؟

    3- ســرعـة الضـوء عالية , فما هي سرعة الظــلام ؟

    4- كيف تعرف أن مادة الحبر السحـري نفذت ؟

    5- لماذا نقرأ دائماً عبارة ( هدية مجـانية )..؟
    أليست كلمة " هــديــة " تعني أنها ( مجـــانيـة ) ؟

    6- لو كان هناك طيور يطيرون داخل طائرة فهل لهم وزن يؤثر على الطائرة ؟

    7- بحكم أنهما خلقا ولم يولدا: هل أبونا آدم وأمنا حواء لهما سرة في بطنهما كبقية الخلق ؟

    8- هل الحمار الوحشي أسود بخطوط بيضاء, أم أبيض بخطوط سوداء؟

    9- هل تستطيع أن تحفر نصف حفرة ؟

    10- لماذا يضاف لعصير الليمون مذاق صناعي بينما يُصنع سائل غسيل الصحون من عصير الليمون الطبيعي؟

    11- لماذا لا يوجد طعام للقطط بطعم الفئران؟

    12- عندما يُعلن عن طعام جديد للكلاب (ذو مذاق جيد) من يكون قد حدد هذا المذاق؟

    13- لماذا لا ينكمش الصوف على الخراف إذا هطل المطر بينما ينكمش إذا تعرض للغسيل بعد أن نشتريه؟

    14- لو كان الحب أعمى، فكيف نثق بالحب من أول نظرة؟


    _________________
    قريباً جداً يابشار بيجي دورك على المشنقة


      الوقت/التاريخ الآن هو الأربعاء نوفمبر 22, 2017 3:03 pm